Admin المدير العام
عدد المساهمات : 1069 تاريخ التسجيل : 03/11/2009 العمر : 44 الموقع : الخرطوم
| موضوع: حبي أنا ليكي كان زادي الأحد أبريل 18, 2010 4:03 am | |
| حبى أنا ليك كان زادى وكان جوة الحنايـا دفيـن كتّ بضارى من الناس وخايفة عليهو مـن العيـن عليهو كت بصوم وافطر عليهـو بكابـد الناريـن كت بحسب سنين الغربة لما تعـود تجينـى متيـن وكت برجاك فوق النار لمـا وكـت لقانـا يحيـن نونس فى براءة أطفال وفى الحب نروى ننهل زين وكلما يوم يزيد البينـا لمـا بقينـا قـاب قوسيـن اتارى أنا كت فيك مخدوعه وكم من زي مخدوعين ما قايـلاك حبيـب آلاف وقلبـك قبلـة للضاليـن وما قايلاك بتنسي حبيب صبر راجيك ستـة سنيـن وساهر كم ليالـى طـوال يتقلـب شمـال ويميـن كيفن يهون عليك تنساهو زولاً كان عليـك حنيـن وتشغـل بالـك الأشـواق لمّـن تزبـل الياسميـن كت دايراك بسمة عريضة فى وجه الزمان الشيـن وكت دايراك ساعة الحارة تبقى ليّ دخرى خزيـن كت دايراك مقنع حوبة وكتيـن المضـارى يبيـن وكت دايراك فارس احلامى تشاركنى ونتـم الديـن وكت دايراك أمل بسام يزيل ألـم البعـاد والبيـن كت دايراك شريك الروح واخدمك حافيـة القدميـن وكت بحلم بك انت معاي مجرتق بالعديـل والزيـن جنبك فى يمينك قاعدة نسمع فـى دقـر يـا عيـن تبشر زين مع الأصحـاب وتتشبـل مـن الوزيـن أنا الأبحرت راكبة الموج اكيد مرسايا بين موجتين وداعاً يا زمـن ظالـم وبالأفـراح علـيّ ضنيـن وداعـاً يـا قلـب قاسـي لا بيحـن ولا بيلـيـن وداعاً يا سراب خداع محال ما بيروي عطشانيـن وداعاً يا كلام معسـول حـدو ومكمنـو الشفتيـن وداعاً يا سحابة صيف شايلى مطر ضليـلا رهيـن تبشر بى خريف جايينا ياما الناس رجوهو سنيـن كل زولاً يفكـر فيهـا مـا معروفـة تنـزل ويـن وألف سلام عليك يا قلبي المسالم وديمة طبعو حنين يتاورو الشوق ويلعب بيهو تنحر فى حشا السكيـن تعاودو الذكري تنتر جوا حالـو يحنـن المسكيـن أخيراً مى ليك سلام وقبل ما تجـف دمـوع العيـن وقبال منى ما تعـدى وقبـال الفـراق مـا يحيـن بخيت وسعيد عليك إن شاءالله يبقالك عمار وبنيـن وقلبى أنا خلى فى أناتو بعدك يامـا راجـى أنيـن ولو كان يا قلب حبيت بعـدو بعـد قسمـت يميـن ما ينتمّ ليك مـراد لا تضـوق لا حلـو ولا زيـن وتفضل طول حياتك تبكى طول عمرك تعيشو حزين وعمرك ما تجيك سعـادة مـا تتهنـا قـول آميـن وتانى الحب عليك حرمان ووعد الحر أمانة وديـن | |
|
mayada نائب المدير
عدد المساهمات : 1068 تاريخ التسجيل : 04/11/2009 العمر : 41 الموقع : الخرطوم
| موضوع: رد: حبي أنا ليكي كان زادي الثلاثاء أبريل 27, 2010 6:46 am | |
| مباااااااااااااااالغة :- فى بيوت عجبتنى حأمسح منها كلمة أوكى [[color=red]b] دايراك بسمة عريضة فى وجه الزمان الشيـن دايراك ساعة الحارة تبقى ليّ دخرى خزيـن دايراك مقنع حوبة وكتيـن المضـارى يبيـن دايراك فارس احلامى تشاركنى ونتـم الديـن دايراك أمل بسام يزيل ألـم البعـاد والبيـن دايراك شريك الروح واخدمك حافيـة القدميـن بحلم بك انت معاي مجرتق بالعديـل والزيـن جنبك فى يمينك قاعدة نسمع فـى دقـر يـا عيـن[/b][/color ] | |
|